bail à ferme n’aye point de pluriel, si bal pour dancer n’en a aussy, le tout pour eviter à noyse, quy arrive souventefois faute de s’entendre, luy requerant, quy n’a pas si bien en main le pied que la langue, ayant couru, il y a un peu plus de deux sepmaines, il ne sait quel hazard, pour avoir dict, selon qu’il luy vint à la bouche et sans premeditation, qu’un caresme prenant luy faisoit bien faire ses affaires, parce qu’il ne se faisoit point de baulx où, malgré les envieux, il ne fust appelé et prié d’y prendre telle part que bon luy sembleroit ; un partyzan, quy par malheur estoit de la compagnie, et pour lors avoit baulx à ferme en teste, s’imagina à tort qu’yceluy requerant couroit sur ses marchez, et, preoccupé de passion nullement amoureuse, luy dressa une querelle où tout au moins la poche20 dudict Bocan eust cassée esté, si par amis communs n’eust esté remonstré au partyzan que les baulx dont avoit parlé Bocan n’estoient que pour dancer, et non pas à ferme, ledict mot de baulx pouvant signifier les uns et les autres en pluriel, ce qu’ils le prioient de croire tout au moins par interim, jusqu’à la tenue des Grands Jours de l’eloquence françoise, à la pre-
l’air de la sarabande que le cardinal de Richelieu dansa pour plaire à Anne d’Autriche. Brienne, qui raconte le fait, l’appelle par erreur Boccau pour Bocan. (Mémoires, tom. I, pag. 276.)
20. « Manière de violon, qui est un instrument de musique que les maîtres à danser portent en ville dans leur poche lorsqu’ils vont montrer a leurs escoliers, et qui n’a esté appelé poche que parcequ’on le met dans la poche. » Dictionnaire de Richelet, 1re édit.
