Quant li evesques Huedes et li cuens Alboins sorrent que il fu morz, il baillierent ce que il portoient à Thierri le chambellenc et retornerent ysnelement[1] arriers ; et quant cil qui ovec l’enfant estoient sorent que li rois fu trespassez, il manderent aus barons de cete France par deça[2] que il venissent encontre eus à Miauz et là traiteroient ensemble que il feroient. Si furent là faites unes convenances entre Tierri et Boson, dont li abbés Hues fu maienierres[3], que Bosons auroit la conté d’Ostun et Thierris auroit en eschange les abbaïes en ce païs.
Li abbés Gozelins, à cui il sovenoit bien des agaiz et des gries que cil li avoient faiz, qui envie li portoient, se porpensa comment il s’en porroit vengier, car il li sembla que il fust bien tens et poinz de ce faire. Si le mist en voie de ce que il se fioit moult de l’amor et de la familiarité Loys, le roi de Germanie, et de la roine et des barons du païs que il ot aquise tant com il demora entor eus, quant il fu pris en la bataille d’Andromaque[4] et là menez en prison. Mais avant, s’en ala Conrat, le conte de Paris[5], et li dist tant d’unes et
- ↑ Ysnelement, promptement.
- ↑ On a seulement dans les Annales de Saint-Bertin : « mandaverunt primoribus qui in istis partibus erant ».
- ↑ Maienierres, intermédiaire, arbitre ; latin « mediante Hugone abbate ».
- ↑ Andernach (voir ci-dessus, p. 233).
- ↑ Ce Conrad, comte de Paris, serait le fils de Rodolphe Ier, roi de Bourgogne, et cousin germain d’Hugues l’Abbé (Robert Parisot, le Royaume de Lorraine sous les Carolingiens, p. 434, n. 7. Cf. Mon. Germ. hist., Pertz, Scriptores, t. I, p. 644, au mot « Hugo, filius Chuonradi Huelphi filii ».
turque in ecclesia beatæ Dei genitricis Mariæ, quam ejus pater regio cultu in Compendio palatio suo construxerat » ; cette église Notre-Dame devint ensuite l’abbaye de Saint-Corneille.
