ses fiuz, mais il fu ses cosins. Merovées engendra Childeric. Cist IIII furent paien. Childeric engendra le fort roi Clodovée qui fu li premiers crestiens. Clodovées engendra Clothaire le premier ; Clothaires, Chilperic ; Chilperis, Clothaire le secont ; Clothaires, Dagobert. Cil Dagoberz, qui fonda l’abbaïe de Saint Denis en France, engendra Loys. Cil Loys, Clothaire, Childeric et Thierri, et furent fil Sainte Bautieut de Chiele. Childeris, Dagobert le secont ; Dagoberz, Thierri ; Thierris, Clothaire le tierz. Cil Clothaires n’ot point d’oir masle, mais ot une fille que uns princes qui avoit non Asberz, espousa et porta corone pour la raison de li. Cil Asberz engendra Arnoul ; cil Arnous engendra saint Arnoul qui puis fu evesque de Mez. Cil sains Arnous engendra Anchise ; Anchises, Pepin le premier graindre[1] dou palais. Cil Pepins, Challe Martel ; Challes Martiaus, Pepin le secont qui fu rois et empereres. Cil Pepins, le grant Challemaine, qui fu rois et empereres. Challes li granz, Looys qui fu rois et empereres. Cil Looys, Challe le Chauf, qui fu rois et empereres. Cil Challes li Chaus, Looys. Cil Looys, Challe le Simple. Cil Challes, Looys le IIII. Cil Looys, Lothaire. Cil Lothaires, Looys le Quint qui fu li darreniers de la lignie le grant Challemaine. Quant cil Looys fu morz, si come l’estoire baille, li barons eslurent Hue Chapet, duc de Borgoigne et prince dou palais. Fiuz fu au grant Hue duc de Borgoigne. Cil Hues engendra Roberz. Cil Roberz, Herri. Cil Herris, Huede. Cil Huedes, Phelippe le premier[2]. Cil Phelippes, Looys le Gros. Cil Looys,
