jusques au VIIme an dou regne le roi Phelippe, corurent VIc et LXVII anz. Et par ce, puet on prover que dou tens de l’Incarnation jusques au VIIme an de son regne corurent XIc anz et IIIIxx et VI.
Autre prove de ce meismes. Au tens Aiot[1], qui fu li quarz juges d’Israel, fu Troie la grant edifiée. Si dura en povoir et en bon estat CLXXX anz. Ou XIIIme an, fu Abdon[2] juge d’Israël qui fu li XIImes aprés Josué, fu destruite [Troie][3], et de la destruction de Troie jusques [à l’Incarnation][4] corurent XIc et LXXVI anz. Et de l’Incarnation jusques à la transmigration saint Martin corurent CCCC et VII anz ; et de la transmigration jusques à la mort le roi Cldovée corurent C et XII anz. De la prise de Troie jusques au commencement dou regne Cloovis corurent [M] VIc et LX anz. Et note ci endroit, que Marcomires commença à regner en France en l’an de l’Incarnation CCC et LXXVI.
Donques, de ce tens que li rois Cloovis regnoit jusques au VIIme dou regne le roi Phelippe, corurent VIIIc et X anz. Nous avons mises ces choses en ceste ystoire, sauf le jugement et l’entention d’autrui, car nous cuidons que de ceste racine et de cest original soient li roi de France descendu.
