caile[1], Nogent sor Endele[2]. Par cete maniere que vos avez oï, restora et rendi li rois Loois Normandie au trichaor Henrri, ne pas s’aperçut la daloiauté et la tricherie que il li basti puis et porchaça. Car ausi comme l’estoire raconte, il se contint vers li selonc le proverbe au vilaim qui dit, que com plus essauce l’on felom et daloial, et il plus s’en orguelit.
En cete maniere, erra cil Herris vers le roi Loois son segnor, qui duc de Normendie l’avoit fait, et comme orguelous et rebelles refusa à faire et à prendre droit en sa cort. Li rois qui cete chose prit en gros et moult en ot grant dedaign, s’en ala a granz oz au chastiau de Vernon[3] et le prit assez tost. Après celui, l’an retoli un autre qui a non le Nuef Marchié[4]. Au darrenier, quant cil trichierres Herris vit que il ne là porroit durer, si se torna à merci crier, à la maniere de tricheresse gupile[5], et faint veraie humilité por ce que il peut recovrer ce que il avoit perdu, et prometoit fausement que jamais jor que il vesquit ne dreceroit la teste vers son segnor. Et li rois, qui toz jors fu douz
- ↑ Bucaile, auj. La Bucaille, arr. et cant. des Andelys, comm. de Guiseniers.
- ↑ Nogent sor Andele, Noyon-sur-Andelle, ancien nom de la commune de Charleval, Eure, arr. des Andelys, cant. de Fleury-sur-Andelle.
- ↑ Vernon, Eure, arr. d’Évreux, ch.-l. de cant. Suivant la Chronique de Robert de Torigni, éd. L. Delisle, t. I, p. 277, le siège de Vernon aurait eu lieu vers la fin du mois de juillet 1153.
- ↑ Neufmarché, Seine-Inférieure, arr. de Neufchâtel, cant. de Gournay. D’après Robert de Torigni (Ibid., p. 261), la prise de cette ville aurait eu lieu après le 24 juin 1152.
- ↑ Tricheresse gupile ; latin : « dolose vulpis », du fourbe renard.
