Cette page n’a pas encore été corrigée
DES FEMMES. 91
S’elle ne le peult endurer.
PERNETTE.
Las, on doibt bien considerer
Qu’entre nous femmes par usaiges
Que nous ne sommes pas si saiges,
Comme(nt) il nous seroit de mestier.
LE FONDEUR.
Besoing n’aviez de ce mestier ;
Car vous aviez deux bons preudhommes.
PERNETTE.
Helas, monseigneur, perdus sommes,
Se n’y estendez vostre grace.
LE FONDEUR.
.
Que voulez-vous que je y face.
Commandez-moy, je suis tout vostre.
JENNETTE.
Nous voulons largement du nostre
Despendre, et qu’on treuve l’adresse
De les retourner en vieillesse.
Nous n ’eusmes oncques telle joye.
LE FONDEUR.
Est-il vray ?
JENNETTE.
N’en faictes donbte ;
Car tout nous passoit par les mains.
LE FONDEUR.
Se vous venez de peu en moins,
Il ne s’en fault pas esbahir ;
Mais je ne vous vueil point mentir.
