Aissi con hom tra l’estam

La bibliothèque libre.
Sauter à la navigation Sauter à la recherche

Anonyme « Aissi con hom tra l’estam »


 Aissi con hom tra l’estam
 a l’envers, q’era a dreich,
 e si cum meno·l carreich
 li bou, qant trao·l legnam,
 un nou sirventes ailluc
 de mon Comunal astruc,
 qui chaschus torn’en desdeing
 e destorz son entresseing.
 Ja no·ill cal gardar c’hom clam
 per si ni per son arneich,
 ni per bon astre qe·il veich
 ni pel sieu corren volam,
 pel joglareiar faduc,
 ni per las canas del suc,
 ni per las cordas del seing
 qui son el sieu col susteing.