Mozilla.svg

Belle doce Dame chiere

La bibliothèque libre.
Sauter à la navigation Sauter à la recherche


VII. — Belle doce Dame chiere.


I.Belle doce Dame chiere,
Vostre grans beautés entiere
M’a si pris
4Ke, se iere em Paradis,
Si revenroie je arriere,
Por convent ke ma proiere
M’eüst mis
8La ou fuisse vostre amis
Ne vers moi ne fuissiés fiere,
Car ainc ens nule maniere
Ne forfis
12Par coi fuissiés ma guerriere.

II.Ne lairai ke je ne die
De mes maus une partie
Come irous.
16Dehaiz ait cuers covoitos,
Fausse, plus vaire ke pie,
Ki m’envoia en Surie !
Ja por vous
20N’avrai mais les ieus plorous.
Fous est ki en vous se fie,
Ka vos estes l’Abeïe
As Soffraitous,
24Si ne vous amerai mie.