Cent Ballades (Christine de Pisan)/Ballade C

Christine de Pisan

En escrit y ay mis mon nom

Cent Ballades, Texte établi par Maurice Roy, Firmin-Didot, 1886 (p. 100).

C

Cent balades ay cy escriptes,
Trestoutes de mon sentement.
Si en sont mes promesses quites
4A qui m’en pria chierement.
Nommée m’i suis proprement ;
Qui le vouldra savoir ou non,
En la centiesme entierement^[1]
8En escrit^[2] y ay mis mon nom.

Si pry ceulz qui les auront littes,
Et qui les liront ensement,
Et partout ou ilz seront dittes,
12Qu’on le tiengne a esbatement,
Sanz y gloser mauvaisement ;
Car je n’y pense se bien non,
Et au dernier^[3] ver proprement
16En escrit^[2] y ay mis mon nom.

Ne les ay faittes pour merites
Avoir, ne aucun paiement ;
Mais en^[4] mes pensées eslittes
20Les ay, et bien^[5] petitement
Souffiroit mon entendement
Les faire dignes de renom,
Non pour tant desrenierement
20En escrit^[2] y ay mis mon nom.

Explicit cent Balades

1. A proprement
2. On trouve dans les mots « en escrit » l’anagramme de Crestine.
3. A¹ B derrenier
4. A² Fors qu’en
5. B mais b.