Cent Ballades (Christine de Pisan)/Ballade XIV

Christine de Pisan

Qu’a tousjours mais je pleureray sa mort

Cent Ballades, Texte établi par Maurice Roy, Firmin Didot, 1886 (p. 15).

XIV

Seulete m’a laissié en grant martyre,
En ce desert monde plein de tristece,
Mon doulz ami, qui en joye sanz yre
4Tenoit mon cuer, et en toute leesce.
Or est il mort, dont si grief dueil m’oppresse,^[1]
Et tel tristour a mon las cuer s’amord^[2]
7Qu’a tousjours mais je pleureray sa mort.

Qu’en puis je mais, se je pleure et souspire
Mon ami mort, et quelle merveille est ce ?
Car quant mon cuer parfondement remire
11Comment souef j’ay vescu sans asprece
Trés mon enfance et premiere jeunece^[3]
Avecques lui, si grant doulour me mord^[4]
14Qu’a tousjours mais je pleureray sa mort.

Com turtre sui sanz per qui ne desire
Nulle verdour, ains vers le sec s’adrece,^[5]
Ou com brebis que lop tache a occire,^[6]
18Qui s’esbaïst quant son pastour la laisse ;
Ainsi suis je laissiée, en grant destrece,
De mon ami, dont j’ay si grant remord
21Qu’a tousjours mais je pleureray sa mort.

1. B d. si grant deuil
2. A² en m. l. c.
3. B T. m’enfance et p. en j.
4. A¹ Avec
5. B mais sus le s.
6. B Et.