Cent Ballades (Christine de Pisan)/Ballade XXVII

Christine de Pisan

J’en ay fait a maint reffus

Cent Ballades, Texte établi par Maurice Roy, Firmin Didot, 1886 (p. 28).

XXVII

Ne cuidiez pas que je soye
Si fole, ne si legiere,
Sire, qu’accorder je doye
4M’amour a toute priere :
Trop seroye vilotiere,
Ce que oncques mais ne fus ;
7J’en ay fait a maint reffus.

Ja pour ce ne vous anoye,
Ne me faittes pire chiere,^[1]
Car amer je ne saroye,
11Ne je n’en suis coustumiere,
Pour homme qui m’en requiere ;
Aprendre n’en vueil les us ;^[2],[3]
14J’en ay fait a maint reffus.

Ne faire je n’en vouldroie^[4]
En fais, en dis, en maniere,^[5]
Chose que faire ne doye^[6]
18Femme qui honneur a chiere.
Trop mieulx vouldroie estre en biere.
Pour ce, soyent beaulx ou drus,^[7]
21J’en ay fait a maint reffus.

1. B Ne m’en f.
2. A li us
3. Note Wikisource : voir un erratum en p. 319.
4. B Car f. je ne v.
5. A¹ e. d. (blanc) m.
6. B q. f. n’en d.
7. B P. ce et a b. et a d.