Iconologie (Cesare Ripa, 1643)/II/Hypocriſie
Hippocrisie.
Oyez vn peu s’il ſe peut rien imaginer de plus
trompeur que l’Hippocriſie. Elle eſt paſle & deffaite, pour monſtrer que ſi elle ſe mortifie, c’eſt
pour mieux deceuoir autruy par vne vaine apparence.
Auſſi eſt-ce pour la meſme raiſon qu’elle ſe couure
la teſte d’vn Voile noir, & le corps d’vne Robe toute
rapiecée, tenant d’vne main vn Chappellet, & vn Liure de
prieres ; & de l’autre donnant l’Aumoſne à vn Pauure deuant
tout le monde : Ce qu’elle fait afin de pareſtre en l’exterieur
telle qu’vn Agneau, quoy que par dedans elle ſoit vn Loup rauiſſant ;
Et voila pourquoy ce n’eſt pas ſans cauſe qu’on luy en donne icy les pieds.