Iconologie (Cesare Ripa, 1643)/II/Magnanimité
Apparence
Magnanimité.
Oicy la vraye grandeur de Courage, que cette Dame
majeſtueuſe nous repreſente. Elle eſt richemẽt veſtuë,
pour monſtrer que les richeſſes ſont iuſtement deuës à
ceux qui en vſent noblement, & voila pourquoy on luy donne
auſſi la Corne d’Abondance. Quant à la Couronne Imperiale,
& au Sceptre qu’elle tient en main, l’vn ſignifie le genereux
deſſein que l’on a de faire du bien, & l’autre la puiſſance de
l’executer, qui ſont deux choſes ſans leſquelles il eſt impoſſible
d’exercer la Magnanimité. Que ſi elle eſt aſſiſe ſur vn Lion,
c’eſt pource que le Lion, Roy des Animaux, eſt vn ſymbole de
cette Vertu, qui eſt Reine auſſi de toutes les autres.