◄ Laisse CCCCLXXIX | Laisse CCCCLXXX | Laisse CCCCLXXXI ► |
CCCCLXXX[1]
Encore vos dirai, se tant vorois sofrir,
Com il fist le Soldant et son fil convertir,
Quant il trova Ugons, qel stoit alez querir.
Oiroiz com a soi quart se mist a departir,
Quant il trova l’armite, qe lui dist tot a tir
Quant il devoit durer et quant devoit morir.
Mais sor tot autres coses vos pora abellir
La joie q’en fist Carles quant le voit revenir.
Se por loer devroie totes ses huevres dir,
Il vos anoieroit, je le sai sans fallir ;
Neporquant il devroit a tote gient ploisir.
Car la bontié Rollant ne feit bien a tesir.
Pués qe de ses bontez sui mis a descovrir,
Dou tot les canterai ; ne m’an pois retenir.