◄ Laisse CCXCVI | Laisse CCXCVII | Laisse CCXCVIII ► |
CCXCVII[1]
Herupois sunt prodomes e jent de grant poeste ;
Sor Alemans firent mout dolorose enqueste ;
Chi n’avoit l’eome en cief tost en perdi la teste.
Salemons e quens Hue fieremant les tempeste ;
Ricars de Normandie lor done grant moleste.
Le duc Herbert s’en fuit, che ja plu ne s’areste,
E vient criant a vois : « Aïe, Roi celeste !
« Chi son signor traïst, com la venjançe est preste !
— Sire », disent ses homes, « sor nos est manifeste.
« Or nos apendra Çarles, nostre franc roi honeste ;
Mal les aveç faliç ; honie ert nostre geste ».