L’entrée d’Espagne/Laisse CIX

La bibliothèque libre.
Sauter à la navigation Sauter à la recherche
◄   Laisse CVIII Laisse CIX Laisse CX   ►
CIX[1]

— Par Machomet », Feragu le escrie,
« Rollant, por ce ne descendra je mie.
2645« Mout is pensé d’une grant glotonie ;
« Chi te creroit feroit grant estoltie.
« Par quoi ais donque gerpi le var d’Ongrie
« Et is desis, stu sais pont d’escremie ?
« Le peoner, quant seit de maiestrie,
2650« Ne s’adelete bien en chevalerie.
« Mais, par Machon, tu l’avrais bien falie
« Ch’en tiel mainere te face compagnie. »
Le duc l’oï ne puet müer ne rie,
52 aE pués respont : « En non sainte Marie,
2655« Fa ton peor en çaschune partie,
« Car ou droit moi, se Diex me benedie,
« En totes guises, afors que felonie,
« Porcacerai con tu perdes la vie. »
Feragu jure a la Machomarie :
2660« Se je te pués avoir en ma bailie,
« Mout car ert chier la parole merie. »
Lor leit aler le vor de Barbarie,
Vers le niés Carles s’an vient por grant ahitie ;
Brandisant vient la bone spee forbie.
2665Rollant le voit, or le seit il qu’el die ;
De lui atendre li sanble grant folie

Et le guinchir trop gregnor coardie.
Envers la roche en contreval se plie,
Davant ses piez a une piere saisie.
2670Lo niés Marsille vient plain de grant envié,
Dou brant li croit ferir joste l’oïe.
Rollant lui gite vers l’iaume d’Aumarie
La piere prise o tant de vigorie,
52 bLe cheval fiert por la teste polie ;
2675N’i vaut testere la monte d’une lie ;
L’os lui deront, la cervelle est croisie,
Les oils li cheit sor la roche bronie.
Le bon cheval n’oit nulle garentie ;
De grant angose a sa rene guencie,
2680Dos fois roelle, a la terce se plie,
Sor son seignor ciet, qu’il ne brait ne crie.
Rollant le voit, Nostre Sir en mercie.
Crïent François : « Hei ! sainte Verge pie,
« Alumenez Rollant de vostre aïe.
2685— Segnor », dit Carles o la barbe florie,
« Soffrez un poé a garder l’envaïe.
« Le cors me dit ch’ancué avant complie
« Do Païens ert la bataile finie. »


◄   Laisse CVIII Laisse CIX Laisse CX   ►
  1. — 2644 poce ne — 2646 ostoltie — 2647 dona ne gerpi — 2648 desist stu sui — 2649 Le pecuer — 2653 m. uerie — 2654 e non de scẽ marie — 2661 chiere la parola metie — 2664 le boue. — 2667 gumchir — 2672 gire — 2673 piere poi se noit tant — 2674 fiere — 2676 Les lui d — 2677 reche — 2680 Des fois — 2683 uergo — 2685 barba