L’entrée d’Espagne/Laisse CXXIV

La bibliothèque libre.
Sauter à la navigation Sauter à la recherche
◄   Laisse CXXIII Laisse CXXIV Laisse CXXV   ►
CXXIV[1]

3050Quant oit vestu cil jantil garnimant,
La belle spee dunt il fu conquirant
Quant il oncist le fil rois Agolant
Li çant li roi tendremant en plorant,
E pués apelle son meistre camberlant ;
3055« Va moi porter mon vert hiaume luisant,
« Mais la corone lui hoste solemant. »
Porter le veit celui demantenant.
Ne fu veü un hiaume si mainant ;
Plus valt les pieres qe l’onor d’Abillant.

3060Li roi li prist, si dist : « Biaus niés Rollant,
« Lacé le vos par iteil convenant
« Che cist ne dote colp d’ace ne de brant.
« Vos, biaus cier niés, e cist hiaume ensemant,
59 b« Sont les dos couses don je plus me contant :
3065« Se je doi estre de la prime perdant,
« Petit poroie priser le remanant.
« E vos e lui a Damediex comant. »
L’hiaume a segné, pués lui en feit presant.
Le duc le lace, pués dist : « A Diex vos rant,
3070« Sir enperere, et tut vos bienvoilant. »
Le roi le sagne troi foi en un tenant ;
Tut le comandent al Pere roiemant.
Homais s’en veit le jantil duc d’Anglant ;
Le pont trepase a plan pié pas erant.
3075La o autre foi atendir l’Aufricant,
Apoiez fu a l’aubre verdoiant ;
Iluec atent le Paiens mescreant.
Comant ch’il soit, il pur non feit senblant
Che de bataile soi encor recreant,
3080Come celor qe trop grant saut porprant
Ch’entre o sailir en son cor se repant :
El fosez chiet, pués se clame dolant.


◄   Laisse CXXIII Laisse CXXIV Laisse CXXV   ►
  1. — 3053 tenderamant — 3057 P. le uit. — 3064 cõses — 3065 la pruue — 3068 Lihaume, lui feit — 3072 comanderent — 3074 trepasa, passerant — 3082 clama