Lays (Christine de Pisan)/I

Ajouter des liens
À valider
La bibliothèque libre.
Amours, plaisant nourriture
Lays, Texte établi par Maurice Roy, Firmin Didot,  (p. 125-136).

LAYS

LAY DE CLXV VERS LEONIMES[1]


Amours, plaisant nourriture,
Trés sade et doulce pasture,
Pleine de bonne aventure,
Et vie trés beneureuse,
Du vray loial cuer l’ointture,[2]
Qui entour lui fais ceinture
De joye, c’est ta droitture,
Doulce esperance amoureuse.

Et qui toute creature
Esjoïs de ta nature
Peine fais par aventure ;
Mais elle est si doulcereuse
Qu’on te suit tout a esture,[3]
N’il n’est ponce ne rasture

Qui effaçast ta pointure
Tant est au cuer savoureuse.[4]

Tant plaît ta vie a maintenir
A qui loial se veult tenir
En ton agréable dongier,[5]
Pour le bien qu’on puet retenir
De toy servir, quant retenir
Daignes Tamant sanz estrangier.

De toy si li fais soustenir
Sa peine en gré, et s’astenir
Se veult de jamais ne changier,[6]
Du bien lui fais grant point tenir[7]
Qui a lui doit apartenir,
Mais qu’il sy tiegne sanz bougier.[8]

Et s’il est aucun qui soustiegne
Que de toi viengne
Plus mal que bien, vers moi viegne[9]
Et retiegne ;[10]
Prouver lui vueil que nullement
N’en vient mal, mais qu’on s’y contiengne[11]
Et maintiegne ;[12]
Si bien que par droit apartiegne
Que chascun tiengne
Que servi soiés loiaument.

Mais qui fault, mal lui en conviengne

Quoy qu’il aviengne
Ne, qui que loiaulté te tiengne,[13]
Croy qu’il soustiegne
Joye et doulceur plus que tourment,
Mais drois est qu’a l’amant soviegne
Que gay se tiegne.
N’en lui fausseté ne retiengne,[14]
Sanz plus detiengne
Une amour vraye seulement.[15]

Tant y a compris
De bien en ton pris,[16]
Qu’on ne pourroit extimer
Le bien que la pris
En ton doulz pourpris
A, par loyaument amer ;

Ne par droit repris
Cuer de toy espris
Ne doit estre, ne blasmer
On ne puet le pris
De toy, car apris
Il a vie sanz amer.

Tu pues mander
Et comander,
Sanz amender,[17]
De mal garder,

Dueil retarder,[18]
Un cuer bourder,[19]
D’amour bauder,[20]
A toy soulder,
Poindre et larder,
Et posséder[21]
Sanz nul frauder,
Faire tarder
De demander[22]
Pour foy garder
De mal monder.

Peine esmonder,[23]
Joye abonder,[24]
Tout marchander.
Et dueil seder,[25]
Bas affonder.
Et reffonder,
Bel regarder,[26]
Voir recorder,[27]
Sanz point bourder,
Pais accorder,[28]

Non descorder,
Droit recorder
Pour amender,
En sens fonder
Et perfonder.[29]

Et s’aucuns n’ont de ta vie
Nulle envie,
Ains la veulent mesprisier,
Gentillece est d’eulx ravie ;[30]
Car plevie
L’ont les bons pour eulx aisier,
Et plaisier
Fais les cuers, ou poursuivie
Est joye sanz delaissier.[31]

Par toy est dame servie,[32]
Assouvie
Sanz amenuisier[33]
Son honneur n’estre asservie
Mais suivie
De baudour, qui rabassier[34]
Et froissier
Fait doulour qui gent desvie ;[35]
Joye est qui la puet puisier.

Mais on fait maint mauvais raport,
Disant qu’au port[36]
De toy a doulereux aport.[37]
Et dont pluseurs se duellent,
Et que moult pou y a déport
Quoy qu’on s’i port[38]
Gaiement, et qu’en gré le port
Cellui ou ceulx qui te veulent.[39]

Et que mieulx vault qu’on se déport
De ton aport,[40]
Que tel faissel on s’en emport,[41]
Et qu’a ton molin meulent
Paille sanz grain ceulz qui ton port
Suivent, déport
N’ont de toy ne qui les raport
A bien, ains périr suellent.

Si est trop mau dit,
Car pour voir je tien
Que, sanz contredit,
Quant l’en devient tien

On se desrudist,
Qui ton doulz maintien[42]
Poursuit, n’escondit,
Si com je maintien,
N’yert ja ne desdit.[43]

L’amant, qui du tien
Enrichis, mesdit
Het ; pour ce soustien
Que qui te laidist[44]
Son meffait retien
Et fais un edit
Ou pour fol le tien ;
De toy soit maudit
Et son preu detien.

Soit party,
Ressorty,
Perverty,
De ton doulz soulas
Hors sorty,
Converti
En party
Dur party
Qui mesdit de tes laz !

Dire halas !
Vain et las ![45]
Comme las,
Lui fais sanz dire « gar t’y»,
S’ainsi l’as
Se follas[46]
Ne meslas

N’affolas[47]
Onc nul, cil soit amorty,


Si débat son chief
En vain, qui destruire
Cuide par nul chief
Ton fait, ne toy nuire,
Que l’en voit sur tous reluire[48]
Et qui est tant fort
Que ou monde n’a tel effort.[49]

Et c’est grant meschief
De tel gent, qui duire
Cuident de rechief
Le monde, et recuire
En nouvel sain, et réduire
Gent sanz le confort[50]
De toy, mais tu vains au fort.

Amours sanz chalange,
Honneur et louange
T’apartient, et, ment ge ?
Quant fus par l’archange
En ce monde estrange
Envoyé en change
De la male arrange[51]
Qui nous mist en fange,
Et par toy en range
Ou ciel sommes d’ange,

Ce fu noble eschange[52]

Et un doulz meslange,
Dont se te revenge
Nul ne m’en laidenge,
Car ne me desrenge
De loial loscnge.
Mon cuer s’i essange
Quant bien il te venge
Et du tout estrange
Haineuse grange.

Dont blasmée
ne clamée,
Diffamée
Ne nommée,
Mau renommée[53]
Ne fusmée
Ne dois estre, mais amée
Et prisée plus qu’autre rien.

Car armée
Enarmée,
Affermée,
Confermée[54]
T’es et formée
Bien fermée[55]

Pour nous, c’est chose informée,
le nyer n’y vauldroit rien.[56]

Exprimée
Ne primée,
Point frimée[57]
N’extimée
De hors limée[58]
Trop semmée
Ne pues estre n’enflammée
En ce monde terrien.

Ains est dommage
Qu’en ton hommage
Et fol et sage
Par droit usage
N’est, car l’oultrage
Qui fait la rage
Ou monde ombrage
Par male et fausse convoitise.

Seroit en cage
Et hors usage ;[59]
Ne tel langage,
Comme on l’engage
Par le hautage
D’orgueil qui nage
En maint rivage,[60]
N’iert ou monde, et ce qui l’atise

C’est le buvrage
Qu’envie charge

Qui n’assowage,[61]
Ains deheberge
De son heberge[62]
Toy qui sanz barge,
Comme en mer large,[63]
Vas flotant par telle faintise.

Mais ou passage,
Ou le péage
Devons de gage,
En l’eritage
Du monde ombrage[64]
Y a ymage
De fausse targe,
D’amour fainte et fausse cointise.

Si conclus qu’en ta closture,
Vraye non pas couverture,
On ne doit avoir roupture
A vie très doulcereuse,
Et qui en fait sa pousture
Jusqu’il soit en sepulture[65]
Il puet bien la pourtraiture
Porter de paix laüreuse.

Car avec lui par jointure
L’a a très forte cousture

Cousue par aventure
Si que peine doulereuse[66]
N’ara en la deffritture
Infernal qui, par droitiure,
Punist humaine faiiture
En l’orde valée ombreuse.


Explicit lay leonime.

  1. ↑ Rubrique A2 Si s’ensuit une assemblée de plusieurs rimes auques toutes leonnines en façon de lay pour apprendre à rimer leonninement. — B1 Lay de lxii vers leonimes — Le ms. B2, dont quelques feuillets ont été arrachés, ne contient pas ce lai
  2. ↑ — 5 B1 Du v. c. l.
  3. ↑ — 13 A1 C’on
  4. ↑ 16 B1 en c. s.
  5. ↑ — 19 A2 B1 En ton très doulz plaisant dangier
  6. ↑ — 25 A Sa V.
  7. ↑ — 26 B1 g. paît t.
  8. ↑ — 28 B1 q. se t.
  9. ↑ — 31 Sic dans tous les mss. Corr. [que] v. m. v.
  10. ↑ — 32 Sic dans tous les mss. Corr. Et [le] r.
  11. ↑ — 34 A1 qu’on s’y tiengne.
  12. ↑ — 35 Sic dans tous les mss. Corr. Et [s’yj m.
  13. ↑ 41 que omis dans A1 et B
  14. ↑ — 46 B1 N’en plusieurs lieux n’aille ne viengne
  15. ↑ — 48 A1 U. a seule vraiement
  16. ↑ — 50 B1 De b. en toy p.
  17. ↑ — 63 B1 ajoute Ne nul frauder
  18. ↑ 65 B1 Et bien garder — B1 ajoute :
    Et toy bourder
    Senz essourder
  19. ↑ — 66 B1 Un c. bauder
  20. ↑ — 67 B1 De feu bourder
  21. ↑ — 70 à 72 B1 :
    Tout eschauder
    Et lapider
    Faire habonder
  22. ↑ — 73 et 74 omis dans B1
  23. ↑ — 76 B1 Et e.
  24. ↑ — 77 omis dans B1
  25. ↑ — 79 A1 Et posséder — omis dans B1
  26. ↑ — 82 B1 Bien r.
  27. ↑ — 83 et 84 B1 :
    Et faiz garder
    De trop tarder
  28. ↑ — 85 à 87 omis dans B1
  29. ↑ 90 B Et refonder
  30. ↑ — 94 A1 de eulx r.
  31. ↑ — 99 A Et suivie
  32. ↑ — 100 et 101 A Joye et sanz point delaissier — N’abaissier
  33. ↑ — 102 B1 Sic, Corr. Sanz [jamais] a.
  34. ↑ — 105 B1 De joye qui abaissier
  35. ↑ — 107 A Assouvie. — 107 et 108 B1 :
    Ne jamais n’yert assouvie
    Doulour qui la peut puisier.
  36. ↑ 110 A2 De ton fait en d. q. p.
  37. ↑ — 111 A1 douloureux
  38. ↑ — 114 à 124 A2 :
    Cil qui aime s’il n’a le port
    De toy et d’espoir qui le port,
    Dont mains amans mieulx veulent
    Que la mort briefment les emport
    Que le mal qu’il fault que l’en port
    Par toy, et qui n’ont pas raport
    De douleur tous ceulx qui te veulent.
  39. ↑ — 116 Sic dans tous les mss. Corr. Cil — B1 qui ce v.
  40. ↑ — 118 B1 De t. emport
  41. ↑ — 119 B1 ou on e.
  42. ↑ 130 et 131 omis dans A1.
  43. ↑ — 133 A Ne n’y. ja d
  44. ↑ — 137 B1 Q. q. ce l.
  45. ↑ — 153 et 154 intervertis dans B1
  46. ↑ — 157 B1 S’affolaz
  47. ↑ 159 B1 Ne soulaz
  48. ↑ — 165 B1 sur tout.
  49. ↑ — 167 B1 Qu’el m.
  50. ↑ — 173 A1 Veult s.
  51. ↑ — 181 B1 De la grant losange
  52. ↑ — 185 à 192 B1 :
    Dont ne me reppan ge
    De toy louer quand je
    Dy voir et appran ge
    Quant tort me laidangc,
    Qui pour tel eschangc
    Dist que je te venge ;
    Quant je te revenge
    Mon cuer s’i essange
  53. ↑ — 199 A1 Mon r.
  54. ↑ — 206 A1 confermé — B1 ajoute Enfourmée
  55. ↑ — 208 manque dans B1
  56. ↑ 210 A2 vault r.
  57. ↑ — 213 A2 Ne fermée ; B1 Ne firmée
  58. ↑ — 215 omis dans B1
  59. ↑ — 228 B1 h. d’usage
  60. ↑ — 233 B1 En tout r.
  61. ↑ 237 A2 ajoute De nul malage
  62. ↑ — 239 B1 ajoute Met et en servage
  63. ↑ — 241 omis dans B1
  64. ↑ — 247 à 250 B1 :
    Du monde targe
    De faulz ymage
    Y a qui charge
    D’avoir fausse et fainte cointise.
  65. ↑ — 256 A1 Jusque il
  66. ↑ Lay leonime. — 262 A douloureuse
Récupérée de « https://fr.wikisource.org/w/index.php?title=Lays_(Christine_de_Pisan)/I&oldid=9715855 »