Le Folk-lore de l’Île-Maurice (Texte créole)/Histoire de Petit-Jean Queue-de-Bœuf
ZISTOIRE PTIT ZEAN LAQUÉE BEIF
Ti éna éne fois éne ptit garçon qui té apelle ptit Zean.
Ene zour, coment li aile badiné, dans so badinaze li gagne éne sauterelle. Li dire so papa :
— Papa, papa, guette éne sauterelle qui mo fine gagné dans mo badinaze.
So papa prend sauterelle, donne li éne flèce.
Ptit Zean allé ; li zoinde so manman, li dire li:
— Manman, manman, guette flèce mo fine gagne av papa, papa qui fine prend mo sauterelle, sauterelle mo fine gagne dans mo badinaze.
So manman prend flèce, li donne li éne coco.
Ptit Zean allé; li arrive bord larivière, li zoinde éne ningresse qui après boire dileau dans lamain, li dire li :
— Ningresse, ningresse, côment to bête boire dileau dans lamain ! Alà éne coco; cassé, manzé : to va gagne so lacoque pour prend dileau.
Ningresse prend coco, cassé, manzé. Ptit Zean comence ploré, li dire ningresse :
— Ningresse, ningresse, mo napas cône ça! Rende mo coco, coco mo fine gagne av manman, manman qui fine prend mo flèce, flèce mo fine gagne av papa, papa qui fine prend sauterelle, sauterelle mo fine gagne dans mo badinaze.
Ningresse donne li éne pognée lentii.
Ptit Zean allé; li arrive grand cimin, li zoinde éne pizon qui après manze ptit roces là haut laterre, Ji dire li :
— Pizon, pizon, coment to bête manze ptits roces dans grand cimin! Avlà lentii, ramassé, manzé.
Li fane lentii divant pizon, pizon manzé. Ptit Zean comence ploré, li dire pizon :
— Pizon, pizon, mo napas cône çà! Rende mo lentii, lentii mo fine gagne av ningresse, ningresse qui fine prend mo coco, coco mo fine
gagne av manman, manman qui fine prend mo flèce, flèce mo fine gagne av papa, papa qui fine prend mo sauterelle, sauterelle mo fine gagne dans mo badinaze.
Pizon donne li éne plime.
Ptit Zean allé; li arrive a cote' lécole, li zoinde éne zécolier qui après écrire dans papier av éne ptit morceau dibois, li dire li :
— Zécolier, zécolier, coment to bête écrire dans papier sembe éne ptit morceau dibois ! Avlà éne plime, taille li, faire to louvraze.
Zécolier prend plime, taille li, faire so louvraze. Ptit Zean comence ploré, li dire zécolier :
— Zécolier, zécolier, mo napas cône ça ! Rende mo plime, plime mo fine gagne av pizon, pizon qui fine prend mo lentii, lentii mo fine gagne av ningresse, ningresse qui fine prend mo coco, coco mo fine gagne av manman, manman qui fine prend mo flèce, flèce mo fine gagne av papa, papa qui fine prend mo sauterelle, sauterelle mo fine gagne dans mo badinaze.
Zécolier donne li éne vie cahier.
Ptit Zean allé; li arrive divant éne laforze, U trouve forzeron qui après allime so difé av lapaille mouillé, li dire li :
— Forzeron, forzeron, cornent to bête allime
to difé av lapaille mouillé ! Avlà papier sec, prend li, allime to difé.
Forzeron prend papier, allime so difé. Ptit Zean comence ploré, li dire forzeron :
— Forzeron, forzeron, mo napas cône ça. Rende mo papier, papier mo fine gagne av zécolier, zécolier qui fine prend mo plime, plime mo fine gagne av pizon, pizou qui fine prend mo lentii, lentii mo fine gagne av ningresse, ningresse qui fine prend mon coco, coco mo fine gagne av manman, manman qui fine prend mo flèce, flèce mo fine gagne av papa, papa qui fine prend mo sauterelle, sauterelle mo fine gagne dans mo badinaze.
Forzeron donne li éne laquée beif.
Ptit Zean allé; li arrive bord lamer. Li entére laquée beif dans lasabe, li quitte éne ptit boute dohors. Li couri lacase léroi, li cômence ploré, li dire léroi :
— Léroi, léroi, donne moi cinquante doumoundes pour mo aile tire mo beif qui fine enterre dans lasabe so boute laquée dohors.
Léroi donne li cinquante doumoundes. Zaute arrive bord lamer, zaute hisse laquée beif, laquée beif sourti.
Ptit Zean tourne lacase léroi, li comence ploré, li dire léroi :
— Léroi, léroi, zense là fine casse laquée mo beif, mo beif fine alle dans fond lasabe, mo beif perdi.
Léroi là té gagne bon keir : li faire ptit Zean cadeau éne vace.
Ça zour-là, dernier fois qui dans paye Maurice mo fine voir éne sauterelle qui fine vine éne vace !