Le Livre des ballades/Viellesce est fin, & jeunesce est en grace
Or, n’eſt-il fleur, odour ne violette,
Arbre, eſglantier, tant ait douçour en lui,
Beauté, bonté, ne choſe tant parfaicte,
Homme, femme, tant ſoit blanc ne poli,
Creſpé ne blont, fort appert ne joli,
Saige ne foul que Nature ait formé,
Qui à ſon temps ne ſoit vieil & uſé,
Et que la mort à ſa fin ne le chace,
Et, ſe viel eſt, qu’il ne ſoit diffamé :
Vielleſce eſt fin, & jeuneſce eſt en grace.
La fleur en may & ſon odeur delecte
Aux odorans, non pas joûr & demi ;
En un moment vient li vens qui la guette ;
Cheoir la fait ou la couppe par mi :
Arbres & gens paſſent leur temps ainſi ;
Riens eſtable n’a Nature ordonné ;
Tout doit mourir ce qui a eſté né.
Un povre acès de fièvre l’omme efface,
Ou sage viel, qui et déterminé :
Vieilleſce eſt fin, & jeuneſce eſt en grace.
Pour quoy fait donc dame, ne pucellette.
Si grant dangier de s’amour à ami.
Qui ſêchera, ſoubz le pié com l’erbette ?
C’eſt grant ſolour ; que n’dtfoiu mpuj wffrev
L’un de l’autre ? Quant tout ſera pourry,
Ceulx qui n’aiment, & ceulx qui ont amé,
Ly refuſant ſeront chétif clamé,
Et li donnant aront vermeille face,
Et ſi ſeront au monde renommé :
Vieilleſce eſt fin, & jeuneſce eſt en grace
Prince, chaſcun doit en ſon joſne aé
Prandre le temps qui lui eſt deſtiné ;
En l’aage viel tout le contraire face
Ainſi ara les deux temps en chierté.
Ne face nul de s’amour grant fierté :
Vieilleſſe eſt fin, & jeuneſſe eſt en grace.