Le Livre des sonnets/Songe heureux & diuin, trompeur de ma tristesse
Sonnet de l’amour de Francine
Songe heureux & diuin, trompeur de ma triſteſſe,
O que ie te regrette ! ô que ie m’éueillay,
Helas, à grand regret, lors que ie deſſillay
Mes yeux, qu’vn mol ſomeil d’vn ſi doux voile preſſe.
I’enferray bras à bras nu à nu ma maiſtreſſe,
Ma iambe auec ſa iambe heureux i’entortillay,
Sa bouche auec ma bouche à ſouhet ie mouillay,
Cueillant la douce fleur de ſa tendre ieuneſſe.
O plaiſir tout diuin ! ò regret ennuieux !
O gracieux fomeil ! ò reueil enuieux !
O ſi quelcun des dieux des amans ſe ſoucie !
Dieux, que ne fiſtles vous, ou ce ſonge durer
Autant comme ma vie, ou non plus demeurer
Que ce doux ſonge court, ma miſerable vie !
Jean-Antoine de Baïf.