Le Livre des sonnets/Toy qui de Rome émerueillé contemples
Sonnet
Toy qui de Rome emerueillé contemples
L’antique orgueil, qui menaſſoit les cieux,
Ces uieux palais, ces monts audacieux,
Ces murs, ces arcz, ces thermes, & ces temples.
Iuge, en uoyant ces ruines ſi amples,
Ce qu’a rongé le temps iniurieux,
Puis qu’aux ouuriers les plus induſtrieux
Ces uieux fragmens encor ſeruent d’exemples.
Regarde apres, comme de iour en iour
Rome fouillant ſon antique ſeiour,
Se rebatiſt de tant d’œuures diuines :
Tu ingeras, que le dæmon Romain
S’efforce encor d’une fatale main
Reſſuſciter ces poudreuſes mines.
Joachim du Bellay.