Le parfait secrétaire des grands hommes/Lettre 43
Je me souviens qu’une fois le Roy estant aux bains de Borbons, feu mon cousin de la Chasteigneraye eust une querelle contre Pardaillan. La reine Catherine de Médicis le fist chercher partout pour luy défendre de ne se pas batre sur la vie, mais, ne s’estant pû trouver par deux jours entiers, elle le fist guester sy bien qu’un dimanche matin, luy estant en l’isle de Louviers atendant son ennemy, fust surprins là en son giste par le grand prevost qui l’emmena prisonnier par le commandement de ladite Reyne dans la Bastille qui estoit non loing de là. Mais il n’y demoura qu’une nuict pourtant, car, l’ayant envoyé quérir près d’elle, elle luy fist grande réprimande de moitié aygre et moitié douce, selon son caractère qui estoit bon et rude quand elle vouloit. J’en parle savament, car j’y estois pour seconder mondit cousin, duquel j’estois l’aisné et partant devois estre le plus sage et luy doner conseil.
Ne vous die rien de plus sur ce et vous salue.