Le premier acte du synode nocture (éd. 1608)/Harangve de la Mere Abeſſe Niobé
HARANGUE DE LA
Mere Abeſſe Niobé.
Es tres-chers & bien aimez enfans, ne reuocant
en aucune doubte que vous ne ſoyez
generalement aſſeurés de l’eſſentielle cauſe & motif
particulier de ce nocturne Synode, & que vous
n’ayez au partir de vos maiſons remply vos maſles
& Roys courages de reſolutiõs crimentées à chaux
& ſable pour donner iour à l’effet de ce que nos
concluſions porteront deuant noſtre leuée de ce
lieu, fera que laiſſant ces principes en arriere pour
vous eſtre deſia congneus, ie me ietteray en la profondeur
des plus ſolides & ſerieuſes matieres de
noſtre ruineuſe entrepriſe. Pour donc donner
commencement à mes diſcours, vous tous congnoiſſez
(& perſonne n’en ignore) que tous les pas
que nous faiſons iournellement d’vn coſté & d’autre,
tous les Babils que nous tenons en chaque place,
ſoit à l’Egliſe, à nos portes, ou dans nos iardins, ne
tendent & n’ont autre but que pour ſemer & eſpandre
mediſances & diaboliques inuentions indifferemment
de toutes ſortes de perſones telles
qu’elles ſoient, ſans auoir eſgard à qualité, eſtat, &
vacation quelconque : non ſeulement pour nous
ſeruir de paſſe-temps & exercices faute de plus
† Optat Ephippia bos piger, optat arareca bellus.agreables à noſtre ſexe † (Car cela eſt certain que les
robuſtes couureurs ſont clers ſemez en ce pays, & puis
s’il s’en trouue ils manquent en ſoy de ce qui eſt le plus
neceſſaire en ce faict qui eſt le ſecret.) Mais auſſi pour
deſtourner bourſouflées de l’eſprit de contradictiõ
les loüables & bonnes intentions de ceux qui voudroient
pretendre à ſe rendre heureux & fortunez
par quelque deſſeing que ce ſoit & principallement
ou quelqu’vn de noſtre cabale
auroit enuie de mordre, & en deſireroit l’entiere
iouïſſance. Or de ce qui ſe paſſe maintenant ſoit
en ceſte ville ou és proches confederées, eſquelles
nous ayons droict de feſſes & de langues, il me ſemble
que le ſubject, pour lequel nous voicy, eſt
la plus belle & ſpatieuſe campagne qui ſe puiſſe
d’icy à long temps rencontrer pour faire monſtre
de notre puiſſance : & bien que nous attaquions
vn fort & robuſte ennemy qui ne reſpire à mon
aduis qu’a faire preuue de ſa perſonne au plus obſcur
de nos battaillons, afin que ſa vaillance ſoit
trompetée : Si eſt-ce toutefois qu’aucune peur ne
doibt prendre place en noſtre ame qui pourroit
s’eſpouuanter de ce ; quand il n’y auroit meſme
que le ſeul ſubject de la gloire que l’on va acquerant
en la prouocation d’vn que l’on croit plus
puiſſant de beaucoup que ſoy, lors que la parfaiteMaiora certamina maiora ſequũtur præmia.
victoire ſe tapiſt ſoubs la baniere agreſſante. Ne
vous eſtonnez pas, non, ſi ie donne les vrays Epithetes
à la guerre : car eſtant née au plus eſpois d’icelle,
& y eſtant demeurée aſſez bon eſpace, au
moins entre ceux qui s’en meſloient ; I’ai eu auſſi
loiſir d’en apprendre les mots ſignificatifs, afin de
nommer (lorſqu’il en ſeroit de beſoing) toutes
choſes qui deſpendent de ſon gibier par leur propre
nom. Cecy ſoit dict en paſſant, afin que la plus part
de vous autres qui eſtes encore ieunes & tendrelets, cõme
ſangliers de quatre ans n’ignoriez du plus loüable
esbat de ma verte ſaiſon. Mais pour pourſuiure : la
fortune ayant fait donner (comme ie vous ai dict)
dãs nos toiles vn tel ſubject pour mettre à la lumiere
l’effect de notre oyſiueté (de laquelle les dieux
vengeurs prendront congnoiſſance vn iour viendra
puis qu’elle eſt employée ſi mal-heureuſemẽt)
il eſt queſtion auſſi (laiſſant à part les excremens
d’vn vieil & laſche eſprit) d’auoir en noſtre manche
de plus viues & praignantes vrayes-ſemblances
pour choquer les pretenſions de Calianthe. Courage
mes enfans ; mon mauuais Ange m’en vient en
vne minutte de fournir de toutes frechemẽt cueillies,
voyez les comme elles ont encore la queuë
toute verte, ne ſçauez-vous pas de ce marché que
l’on dict qu’il a paſſé entre les gobelets pour cet
office de Court. Par S. Iean nous voilà dedans, il n’y a
plus qu’à remuer le cul ; vous ſerés mouché, monſieur
l’entrepreneur.
Zon ſur les doigts, zon ſur le groein,
Zon ſur le nez du ſagouein.
O iolis petits diabletons mes mignonnelets que vous ſçauez proprement diſtiler ce que pourquoy vous auez tant de tourment dans les entendoires de vos affides : car ſans mentir nous ne pourrions deſirer vne plus nerueuſe matiere pour lui donner le ſault : Eſt-il pas vray, troupe Zelée ? & que de ce tronc nous ferons germer plus d’vne miliace de branches qui ſeruirõt en fin à le bruſler luy & tous ces adherans, s’ils ne ſe rendent aux premieres volées de nos couleurines, & ſerpentes : ſaincte Barbe, comme ils ſeront plumez ? Courage donc & plus que courage, tãt plus ie rumine à part moy de moyens d’execution, & tant plus il m’en eſt offert par les meſmes eſtradiots & argoulets de Proſerpine. Ne craignons point leurs cõtrebateries, ils ne ſont pas gens pour nous, leurs murailles ſont trop foibles deſtituées de rempars à les maintenir, & leurs foſſez eſpuiſez & deſſechés par la vehemente chaleur de l’Eſté paſſé ne ſont pas aſſez profonds pour s’exempter de l’Eſcalade.
Hé que n’ay-ie les couillons du plus membru, nerueux, & parfaict de la Prouince, Hi, hi, hi, ha, ha, comment ie m’en donnerois à trauers les orifices inguinaires (bien que froids & deſcharnez), tout paſſeroit, glandules & tout, ou ie me donne à la plus dechainée furie des enfers. N’auons-nous pas à commandement, Ceſte Noble Maison que vous ſçauez qui eſt l’eſcrin des conceptions de celuy, ſans lequel rien ne ſe peut faire ? & quand bien elle ſeroit du tout portée à ſes affections, Ne pouuons-nous pas auec vn grein de Mithridat Recolé dont ces Beats Peres que voicy preſens, ſont touſiours farcis (cõme la defuncte maſſonne eſtoit de Sabots à tous pieds) faire diſſiper tout ce qu’il y auroit de pur germe Clouagulé dans leur coffre glutineux ? n’auons-nous pas vne partie des plus riches familles de ceſte ville qui n’obmettront rien de leurs facultez pour les faire demordre, eux iappans apres cette meſme proye à la guiſe des chiens contre la face de la Lune ? mais flus, à la barbe barbiers, à la barbe, à vos nauetes, tißerãs, le fouet à ces bardeaus. Puis à tout rompre quand bien ſes foüets ne ſeroient pas propres pour ceſte trompe : ne voila pas à mes pieds ſœur Diaphonia qui par la ſeule energie de ſon nom allumera tant elle eſt bruſlante & chaude, le brãdon des diſſentions, lequel conſumera & reduira en cendre, ce qui oſera leuer la teſte & paroiſtre de leurs deſſeins ? que ie te cheris, nef à tout voile ſaincte lampe Clauſtrale, d’auoir eſté partagée du ciel, & doüée d’vne telle dexterité à toutes ſortes de negoces fœminins. Croy-moi, tu leue la paille ſur le general de noſtre ſexe à ce ſeul échantillon, on iugera la piece. S’eſtre aduãcée en tel credit que cependant que Cloris & ces domeſtiques ſont à l’Egliſe pouuoir communiquer priuatiuement entre deux parois, & paraduenture plume & cuir, que me chaut ſi l’on Iuge des cauſes par les effects, auec celuy duquel dependent les Eſcritures & les Prophetes. N’appelez-vous pas cela vne ſuperlatiue impudence, & vne effrontée temerité, digne & du nom de fille & de ce Synode mi-party. I’en obmets pluſieurs autres, qui ſont de poids & au-delà, les plus imbecilles s’en ioüans à la pelotte, tant y a qu’il ne nous eſchapera pas & ſera la feſte carillonnée comme double & des principales du vilage, pour mon regard i’en veux auoir tout du long ſans rien requerre ſe ſont mes couleurs au preſent, paſſé & futur, deuſent tous les Origeniſtes s’en detrãcher les teſticules. Mais pour retourner à notre ſubiect ce n’eſt pas tout que de ce fourrer à teſte baiſſée dãs vne affaire de telle importance qu’eſt celle-cy, il faut regarder ce que nous trafiquerons au milieu d’icelle, & puis apres auiſer à la ſortie, mon opinion eſt, ſi vous la trouuez de gouſt, que nous eſbruitiõs que cet office de Court, duquel ie vous ay ci-deuant faict mention eſt ſaiſi & preſt à eſtre decreté par les creanciers, pretendus par nous, de ſon Reſignant, nous ne faudront poinct d’amis ſur les lieux qui corroboreront noſtre dire, ils ſont trop enuieux de ſa fortune, ſi fortune ſe peut dire pour luy ceſte recherche, & pour arriuer auec moins de difficulté aux fins de cette eſperance, il les faut appaſter cauteleuſement des deſpouilles de Calianthe : eſt-ce biẽ dict ? Ie m’aſſeure que c’eſt la plus courte voye, la raiſon eſt que le Factotum eſt extremement & naturellement deffiant, & autant tenant qu’homme de ſon eſpece qui n’a deſiré l’alliãce de Calianthe pour autre conſideration que pour le bruit qui a couru qu’il poſſedoit en ſa qualité plus de fortunes qu’aucun autre de la Prouince : & croyant qu’au premier vol de ſes ambitions, il aura encouru telle perte, ie vouë mon ame pour ſeruir de torchecul au plus affreux de tous les diables, ſi tout ne ſera al Bordel ou pour le moins en chemin : Ce pendant nous aurons de nouueaux aduis, & metodes toutes ſortantes de la broche, & comme nous voirrons nos premieres intentions reüſſir, nous-nous tiendrons ſur nos gardes, preſts & appareillez ou d’augmenter ou de diminuer ſelon la neceſſité de noſtre affaire : que ſi vous voulez ſuiure en ce poinct mon iugement & conſeil, ie me fais forte de tout l’embauſchement, d’autant que ayant vn penſionnaire en cette ville (comme lon ſçait), mes parolles les plus baſſes & moings energicques lui ſeruiront de commandement & d’Oracle, qui l’executera, & enſuiura ſur la riſque de ſa vie. Ie vous en donne parolle. Au ſurplus, mes bien-aymez enfans, ie vous commande autant que la puiſſance que vous m’auez volontairement ſur vous meſmes concedée porte, & s’eſtend, de me dire, toute crainte arriere, ce qui vous en ſemble, vous coniurant (qui plus eſt) par le ſang humain que nous auons tantoſt vnanimement beu, par les noirs & effroyables miſteres de noſtre Cabale, par les inuentions, meſdiſances, propos endiablez, ſecrets infernaux, conuentions nocturnes, enuies deſreglées, ialouſies venimeuſes, chauds, cuiſants, & bruſlants deſirs dont nous ſommes par vne naturelle Sympathie tous gorgez, embourrez & accrauantez, que vous ayez à eſtaller, mettre en lumiere, produire au iour, au iour, dis-ie, de ces ſouffrez flambeaux qui icy nous eſclairẽt, tout ce que vous auez accumulé & amonſſellé de mal-heurs, meſchancetez, cruautez, par feux, tortures, rouës, gibets, cages, eſtrapades, eſchaffaults, deſtranchements, tiraſſeries de membres, & autres ſortes de ſupplices, contre ce deriſeur de noſtre nom ſacré, moqueur de nos faicts inimitables, & deteſteur, & renieur en general de toutes nos puiſſances ſupremes, medianes, terreſtres, celeſtes, aërines & infernalles.
La mere Abeſſe ayant mis fin à ſon Sinonimicque epilogue en grande eſmotion de corps & d’eſprit, deſcendit auſſi toſt de ſon throſne pour ſe faire frotter l’eſchine du dos, & le hault des iarrets, parce qu’elle s’eſtoit vn peu eſchauffée en ſes atours. Harpetirade qui eſtoit aſſis ſur ſon cul, comme vn ſinge qui medite pour s’eſtre incommodé de ſon ſiege, ſaulta incontinent en place, & la prenant auec diſpenſe par deſſoubs les bras en Huißier reformé, la mena en vn cabinet qui tenoit au coſté de la Salle, auquel cependant qu’elle ſeiourna, toute la compagnie commença par vn bas ſuſſure.
————— Ceu flamina prima
Cùm deprenſa fremunt ſyluis, & cœca volutant
Murmura, venturos nautis prodentia ventos.
Ou bien
Qualia de pelagi ſi quis procul audiat vndis
Eſſe ſolent.
A donner des loüanges au bel eſprit, & à aprouuer
l’inuention merueilleuſe de ſa ſuperieure : beaucoup
ne ſe coula de temps, que la voila de retour, & remontée
qu’elle fut ſur ſa chaiſe Abatialle, feiſt ſigne
de la main au Pere Conſequutus de parler, lequel ſe
leuant au mandement, ayant deuant ſa face faict
deux copieuſes reuerences de la teſte, ſon froc auallé
de coſté ſur les eſpaules, puis autant deuant l’aſſemblée,
& s’eſtant r’aſſis, mouché & tellement
eſternué du hault que le bas s’en voulut pleindre.
Intonuêre cauæ, gemitumque dedêre cauernæ.
Par vn Epiphoneme recolé commença de cette façon :