Les Œuvres de François Rabelais (Éditions Marty-Laveaux)/PantagruelinePrognostication/10
Alphonse Lemerre, (Tome III, p. 252).
De L’hyuer.
Chapitre X.
n Hyuer ſelon mon petit entendement ne ſeront ſaiges ceulx qui
vendront leurs pellices, & forrures
pour achapter du bois. Et
ainſi ne faiſoient les antiques,
comme teſmoigne Auenzouar.
S’il pleut, ne vous en melencholiez,
tant moins aurez vous de pouldre pour chemin.
Tenez vous chaudement. Redoubcez les catharres,
Beuuez du meilleur, attendans que l’autre amendera.
Et ne chiez plus dorenauant ou lict. O O poullailles
faictes vous voz nidz tant hault ?