Les Souspirs amoureux de François Beroalde de Verville/Je ne veux plus aymer : car ceste flame ardante
Les Souspirs amoureux de François Beroalde de Verville
, Texte établi par Nicolas Le Digne
, Raphael du Petit Val, 1606
(p. 9).
![Voir et modifier les données sur Wikidata](http://upload.wikimedia.org/wikipedia/commons/thumb/8/8a/OOjs_UI_icon_edit-ltr.svg/10px-OOjs_UI_icon_edit-ltr.svg.png)
![Voir et modifier les données sur Wikidata](http://upload.wikimedia.org/wikipedia/commons/thumb/8/8a/OOjs_UI_icon_edit-ltr.svg/10px-OOjs_UI_icon_edit-ltr.svg.png)
![Voir et modifier les données sur Wikidata](http://upload.wikimedia.org/wikipedia/commons/thumb/8/8a/OOjs_UI_icon_edit-ltr.svg/10px-OOjs_UI_icon_edit-ltr.svg.png)
XIII.
Je ne veux plus aymer : car ceste flame ardante
Qui consomme mon cœur, m’agitte incessamment,
Sous la cruelle horreur de l’eternel tourment
Qui gesne sans repos mon ame impatiente :
Rien que peur à mes yeux ores ne se présente ;
Je suis rongé de soin de moment en moment,
Et sous le desespoir par trop cruellement
Amour conduit helas ! le bien de mon attente.
Ha ! feux qui allumez ce desir en mes os,
Vous esloignant de moy permettez au repos
De glisser en mon sang pour finir ma misere :
Non agreables feux, mais revivez tousjours,
Et redoublans heureux l’ardeur de mes amours,
Faites moy vivre au mal du bon-heur que j’espere.