Lis Isclo d’Or/Au meme
Apparence
Au meme
Ères parti, la tèsto claro
E lou cor gounfle de valour ;
Lou front escur, t’entournes aro,
E toun iue negre escound de plour.
Ounte cresiés la nòvio caro
À toun rescontre em’ uno flour,
As trouva la meirastro amaro
Emé lou vas di sèt doulour.
Ansin, de-longo, nosto visto
Coutro uno toumbo duro e tristo
Fau que se roumpe, ami ! Mai ve,
I’ a ’n fiér soulas dins lou martire :
Es la grandour de pousqué dire :
Ai fa moun obro e moun devé.
Setembre, 1867.