Page:Œuvres complètes de François Villon.djvu/206

La bibliothèque libre.
Cette page a été validée par deux contributeurs.

XXIV.
LES REPEUES FRANCHES
DE FRANÇOIS VILLON
ET DE SES COMPAGNONS.


Vous qui cerchez les repeues franches,
Et, tant jours ouvriers que dimenches,
N’avez pas planté de monnoye,
Affin que chascun de vous oye
Comment on les peut recouvrer,
Vueillez vous au sermon trouver
Qui est escript dedans ce livre.
Mettez tous peine de le lire,
Entre vous, jeunes perrucatz,
Procureurs, nouveaulx advocatz,
Aprenans aux despens d’aultruy.
Venez-y tost, sans nul estrif,
Clercz, de praticque diligens,
Qui congnoissez si bien vos gens ;
Sergens à pied et à cheval,
Venez-y d’amont et d’aval,