Cette page a été validée par deux contributeurs.
C’EST LI CONGIÉ ADAN D’ARRAS
Ms de la Vallière, No 81. B. Imp aujourd’hui Fonds Fr. 25566 fo 57 v.
1.
Comment que men tans aie usé,
M’a me conscienche acusé
Et toudis loé le meillour,
Et tant le m’a dit et rusé
Que j’ai tout soulas refusé
Pour tendre à venir a honnour ;
Mais le tans que j’ai perdu plour,
Las dont j’ai despendu le fleur
Au siècle qui m’a amusé.
Mais ch’a fait forche de Signeur,
Dont chascuns amans de l’erreur
Me doit tenir pour escusé.
2.
Arras, Arras, vile de plait
Et de haïne et de detrait,
Qui soliés estre si nobile,
On va disant qu’on vous refait :
Mais se Diex le bien n’i retrait,
Je ne voi qui vous reconcile,
On i aime trop crois et pile,
Chascuns fu berte en ceste vile,
