246 ŒUVRES
sacramento pœnitentiæ ad justificationem. Prior pars Coroll. expresse definitur à Trident, sess. 14. cap. 4. Posterior verò apertè colligitur ex eodem, dum præter gehennalem pœnam, assignat alias temporales, quarum timore utiliter concussi Ninivitæ pœnitentiam egerunt, et misericordiam à Deo impetrarunt [p. 267].
DIANA. — Resolutiones morales .
P. IV. Tr. IV. Miscellaneus. Resol. 193. An ad sacramentum Pœnitentiæ sufficiat attritio de peccatis ob malum temporale....
Ob infamiam, ver. gr. vel ob nocumentum salutis, vel ob pœnam, sive pecuniariam, sive corporalem, qua peccator damnatus est, vel damnandus à judice humano, vel ob similia. Et negativè respondet Vasquez.... Suarez.... et alii, quibus adde Sylvium.... Mihi vero contraria sententia modo, quo infrà, explicanda,etiam probabilis videtur, quam docet Ægidius de Coninch, et Petrus de Ochagavia, quos citat, et sequitur Gaspar Hurtado de Sacram. disput. 6. de pœnitentia, diffic. 5. ubi sic ait : Aliqui docent, et meritò, attritionem, et dolorem peccatorum ob malum temporale cum respectu ad Deum, à quo immissum, aut immittendum est in pœnam ; id est, dolorem de peccato, quia Deus ob illud immisit, aut immittet dictum malum (ut verè fieri potest, quia quodcumque malum, quod non sit culpæ, à Deo immittitur) sufficere ad effectum sacramenti Pœnitentiæ ; non verò ob malum temporale, ut aliunde eveniens, vel eventurum absque respectu ad Deum.... [p. 267].
Pars V. Tract. XIII. Miscellaneus I. Res. 33. Quando obliget præceptum contritionis ?
Prima opinio est Guillelmi Parisiensis.... Argentin.... Majoris.... Petri Soto.... Sylvestri.... et Divi Antonini.... asserentium præceptum contritionis, statim ac commissum est peccatum mortale, obligare.
Secunda opinio est Marsilii.... Viguerii.... Pétri Soto.... aientium peccatorem teneri præcepto ipso contritionis in diebus festis.
