ix Premierement, ou nom du Pere,
Du Filz et du Saint Esperit,
Et de sa glorieuse Mere
Par qui grace riens ne perit, 68
Je laisse, de par Dieu, mon bruit
A maistre Guillaume Villon,
Qui en l’onneur de son nom bruit.
Mes tentes et mon pavillon. 72
x Item, a celle que j’ay dit,
Qui m’a si durement chassié
Que je suis de joye interdit
Et de tout plaisir dechassié, 76
Je laisse mon cuer enchassié,
Palle, piteux, mort et transy :
Elle m’a ce mal pourchassié,
Mais Dieu luy en face mercy ! 80
XI Item, a maistre Ythier Marchant,
Auquel je me sens très tenu.
Laisse mon branc d’acier tranchant,
Ou a maistre Jehan le Cornu, 84
Qui est en gage détenu
Pour ung escot huit solz montant ;
Si vueil, selon le contenu.
Qu’on leur livre, en le rachetant. 88
ix. — Manque dans CI. — 68. grace point ne A. — 71. Qui ou nom de F ; de ce nom bruyt A.
x. — 74. Qui si durement m’a ABCI. — 75. Que je soye B ; Que de joye suis F. — 77. Lui laisse F.
xi. — 81. Et a maistre C ; Ytier BCF. — 82. bien tenu A. — 84. Et a BCI. — 86. soulz A, cincq solz B ; six I ; sept C. — 87. Je vueil BI ; Je vuel C : selon ce F. — 88. Qu’on lui B.
�� �
