Cette page n’a pas encore été corrigée
Philis
Et à qui ?
Cléande
A celuy qui n’avoit d’autre vie
Que celle que tu as injustement ravie,
Par trop de cruauté.
Philis
Je ne vous entends point.
Cléande
He ! si ton cœur estoit du trait d’Amour espoint,
Bientost le souvenir de ceste ame fidelle
Luirait dans ta pensee inconstante et cruelle :
Las ! bientost Calidon, miroir de loyauté,
Briseroit le rocher dont la fiere beauté
Rebouche les efforts de la douce puissance
D’Amour, unique Roy de mon obeisance.
Philis
Quoy ? tu m’estimes donc coulpable de sa mort ?
Cléande
Comme la seule cause.
Philis
Et si tel est son fort
