lier, & a ſa fille ainznee marier une feiz & a co ne ſeit feit aie ſe raiſnable non.
XX. Nuls ne ſeit deſtreinz a faire grenor ſerviſe de fieu de chevalier o daltre franc tenement, que tant come il tient & deit.
XXI. Li commun plaiet ne suient mie noſtre cort, mais ſaient tenu en alcun certain lieu.
XXII. Les reconuſſances de novele deſſaiſine de mort danceſtre, & de darrain preſentment ne ſeiente priſes fors en lor contez & ceſte maniere; nos o noſtre chevetains juſticieres ſe nos fumes fors del regne envierons deus juſtices par chaſcun conte par IV. feiz en lan qui o quatre des chevilers de chaſcun conte eſſeuz par le conte pregnent el conte, & el jor del conte, & en certain lieu les devant dites aſſiſes, & ſe les devant dites aſſiſes ne puent eſtre priſes el jor del conte, tant chevaliers & franchement tenanz remaignent de cels qui furent preſent al conte en icel jor par qui puiſent jugement eſtre
