fait ſofiſaument, ſolon co qui li afaire ſera plus grant o plus petit.
XXIII. Frans hom ne ſet amerciez pour petit forfit fors ſolon la maniere del forfait & pour le grant forfait ſeit amerciez ſolonc la grandeſce del forfait ſauf ſon contenement, & li marcheant enſemt ſauve la marchendiſe. Li vilaint enſemt ſeit amerciez ſaals ſon gaagnage ſil chiet en noſtre merci, & nule des devant dites mercis ne ſera miſe fors par le ſeremet de prodomes & des leaus des viſnez.
XXIV. Li conte et li baron ne ſeient amerciez fors par lor pers et ſolonc la maniere del forfeit,
XXV. Nus clers ne ſoit amerciez de ſon lai tenement, fors ſolonc la maniere des altres qui devant ſunt dit, et nun pas ſolonc la quantite de la rente de ſigliſe[1].
XXVI. Ne viſſe ne home ne ſeit deſtreiz a faire ponz a rivieres, fors cil qui ancienement et par drect les devent faire.
- ↑ F. des Igliſe, ou de Ligliſe.
