dedenz liſtes, & des peis[1] ſeit enſement come des muſures.[2]
XXXIX. Reins ne ſeit done ne pris des ci en avant pour le brief del enqueſte de vie, o de membres de aucun, mais ſeit otree en pur don, & ne ſeit eſconduit.
XL. Se aucuns tient de nos par feuferme o par ſokage, & tient terre daltrui par ſerviſe de chevalier, nos n’aurons mie la garde del eir, ne de la terre qui eſt daltrui fie par achaiſon de cele feuferme, o del ſokage, o del borgage. Ne n’aurons la garde de cele feuferme, o del ſokage, o del borgage, ſe cele feuferme ne deit ſerviſe de chevalier.
XLI. Nos n’aurons la garde del eir ne de la terre dalcun, que il tient daltrui par ſerviſe de chevalier, par achaiſon daucune petite ſerjanteri, quil tient de nos par ſerviſe de rendre ſaettes, o cotelz, o tels choſes.
