Cette page a été validée par deux contributeurs.
Sans merci en auoir aulcune
Argent ny aura ne pecune
Rouſti bouli ne friandiſe
Il ne fault plus ſouffrir tel guyſe
Mais le chiaſſer villainement.
Careſme
Or allons ſur luy hardiment
Eſtes vous preſtz
Teſte daulx.
Ie le pourſuyuray de ſi pres
Et laſſault aura ſi ſoubdam
Quant il ſentira noſtre allam
Il naura force ne demi.
Harent fouret.
Or ſus enfans a luy a luy
Soyons vaillans ſeſte iournee
La teſte me ſoyt trenchee
Se il ne faictz bien mon debuoir.
Ognions.
Ainſi que puis appercepuoir
Il ne nous oſeroit attendre
Ne naura moyen ſe deffendre
Mais ſe rendra ie le ſcanctz bien
Teſte Daulx.
Frappons deſſus
Careſme.
Ie le veulx bien
Harent foret
Que lon ſauance.
Ognions
A frapper ay grant deſirance
Careſme Teſte daulx & harent foret
