Cette page a été validée par deux contributeurs.
Cella me feroit enrager
Dieu me garde de tel malheurt
Boyre veulx touſiours du mellieur
Quoy qui couſte quoy que lon die
Au monde nauons que lauie
Dequoy ſert eſtre chiche face
Quoy que faſſes ne que amaſſe
Tel apres toy les iouyra
Qui mille foy te meuldira
Carmentrant.
Ie boys a vous
Acoup grant chiere
Nous viurons iuſques a la mort
Layſſons en paix tout deſconfort
Carmentrant faict grant chiere beuuent dautat
Surie bien teſte daulx a careſme.
Teſte daulx.
De par careſme te ſalue
Gros pauſart pence de toy rendre
Et pences a mes ditz reſpondre
Laiſſant la place a ma maiſtreſſe
Se tu veulx uſer de rudeſſe
En brief ſera faict de ta vie.
Carmentrant.
Oſtes moy ſeſte villennye
