Cette page a été validée par deux contributeurs.
& doleances, & pour ceſt effect promeit ne ſe departir de la ville de Blois, iuſques à l’entier paracheuement de la tenue deſdicts Eſtats. Ordonnant pareillement à tous ceux de la dicte aſſemblée, de ne s’en departir aucunement. Dont ſa Majeſté fuſt remerciée de toute l’aſſiſtance.
L’aſſemblée ſe retirant, ſa Maieſté, auec les Roynes, Princes, Princeſſes, Meſsieurs les Cardinaux, Prelats, & autres Sieurs, auec tous les deputez des trois Eſtats, alla en l’Egliſe de S. Sauueur faire chanter le Te Deum, où ils furent touſiours accompaignez du commun conſentement, & voix generalle de tout le peuple, criant, Viue le Roy, & monstrant vne extreme ioye & allegreſſe.
