Seulete suy et seulete veuil estre,
Seulete m’a mon doulz ami laissiée,
Seulete suy sans compagnon ne maistre,
Seulete suy dolente et courrouciée,
Seulete suy en langueur mesaisiée[1],
Seulete suy plus que nulle esgarée,
Seulete suy sans amis demourée.
Se pris et los estoit à départir
Et à donner, selon mon jugement,
J’en sçay aucuns qui bien petitement
Y devroient à mon avis partir.
Et, non obstant qu’ilz cuident bien avoir
Assez beauté, gentillece et proece,
Et que chascun cuide un prince valoir,
A leurs beaulx faix appert leur grant noblece.
Mais puis qu’on voit, qui qu’il soit, consentir
À villains faits et parler laidement,
Pas nobles n’est ; ains deust on rudement
D’entre les bons si faitte gens sortir
Se pris et los estoit à departir.
- ↑ Mal à l’aise.