modum, tunc adversa, quin & anserina caro.
Feminæ duæ in Facultate Medica Salernitanâ feruntur maximè floruisse, librosque parturiisse doctissimos[1] ; his fortè Doctoribus feminis, hoc opus Scholæ Salernitanæ titulo insignitum tribuere æquum est, quod viris Medicis adscribere injuriosum foret.
Mensuram verò exercitii quod spectat, hæc ritè habebitur, si exercitii finis fiat cùm musculi jam intumescunt, respiratio difficilis efficitur, cutis rubro colore & vivido perfundi cœpta est, corpus sudore diffluit, lassitudo suboritur ; sed ita fiat hic finis, ut ab exercitio statim subitò non quiescas.
His legibus parere non possunt homines innumeri, qui victum labore quærentes, ferè semper laborare coguntur ; at eorum plerique cùm sint his laboribus assueti, nullum indè damnum patiuntur ; quin è contra ita juvantur, ut at meliorem fortunam si devenerint, & assiduo labore vacare desinant, ægrotent : quâ in re summam divinæ justitiæ clementiam prædicemus, quæ hominem in peccati pœnam damnando ad laborem, pœnam injunxit valetudini firmandæ tam idoneam.
- ↑ Schol. Salern. cap. I. Trotusa & Rebecca-Garna.
