Au mai[s]tre dois s’asirent de la grant sale antie ;
Landris servi le jour a la table s’amie,
O lui .c. damoisel de France la garnie ;
Asses et Guinema[n]s, Hues de Pontalie
Servent l’empereür, Doon et dame Olive.
Assez orent piment et vins seant sor lie,
Viandes a foison, poisson, char, voleïlle ;
Ainsois seroit, je cuit, li ore de complie
Que devisé eüsse tout[e] la seignorie.
Quant il orent mangié, droit a la prai[e]rie
Cil legier bachelier ont quintaine drecie...
Joer et envoisier par grant bachelerie ;
Le jour i ont François mainte lance brisie.
L’emperere Alixandre ne s’i oblia mie :
Il tresmet ses messages et fait ses briés escrire,
Que trestuit li baron qui sont de son empire
Soient tuit a la feste et as noces sa fille ;
Tant i vi[n]drent baron a grant chevalerie
Que fors de la cité a la grant praierie
Convint faire les noces la belle Salmadrine.
Molt fut grans li barnage[s] qui la fut assemble[z] ;
Li afaire Landri con fut renovelez !
Davant l’empereür, qui de France fut nez,
Et davant les barons qui [la] sunt assemblé,
Ja Landris avera a moillier et a per
Salmadrine la belle, que il doit molt amer ;
Bien i est emploie[z], de haute gent est nez,
[[]]
- ↑ — 4512 f. grant ; que la. — 4515 li b. ; s. assemblés. — 4516 Que L. ; a pere.
— 4492 m. doz. — 4494 c. damoiseax. — 4498 ch. voloisie. — 4501 o. mangier. — 4502 C. l. bechelet o la quiterne d. — 4503 Lacune entre ce vers et le précédent. — 4504 Se j. ; m. brisee. — 4505 L’empereres A. — 4506 ces b.
