Anthioche fonda Antiocus li Granz,
Et Jherusalem fist uns rois Cornumaranz,
Et reis Babilonus, que mout refu poisanz,
Il fonda Babiloine, si la popla d’enfanz,
Et la cité d’Aufrique uns fors rois Aufriquanz,
Et Romulus fist Rome, qui mout fut aparanz.
Seignors, ja fut uns tens, tesmoig des clers lisanz,
Que toz li mondes fu envers Rome apendanz ;
Mais par le roi Garsire, que mout fu souduianz
Et fel et covoiteus et fiers et encusanz,
Bessa la seignorie qui de Rome estet granz.
Huimès porez oïr ovres de fiers senblanz,
Voires de voire estoire issuz est li romanz :
D’un riche emperaor, qui mout refu vaillanz,
Ce fu Otes de Rome, qui fu en Deu craanz ;
De Florence sa fille, qui tant fu avenans.
Par icelle pucelle mut la guerre pesanz ;
Dès que Deus vint en terre, ne fut onques si granz.
Plest vos oïr chançon de grant nobilité,
Treste de vielle estoire, tote de verité ?
Dès le commencement de la crestienté,
- ↑ 26 M Ore escotez, M nobleste — 28 M Del c.
8 P fondi, PM frans, M ajoute :
la cite de coloigne coloneus li grans
E babiloigne fist un reis babilonans
Eneus fist angers e forneus limans
Turnus fist turs sur lewe en vn pendans
— 9 M cormimanans — 10 P babiloine, M fu p. — 11 manque P — 12 Et manque M — 13 M ke bene fu pansans — 14 M tesmoigne ices cl. — 15 P a r., M vers r. — 16 M tant fu — 17 P Et fous, M coluers e fers, P conqueranz — 19 M Ore, M ouere de fer — 20 Voires manque M, P de fiere e. et si est en — 21 M fu u., M ajoute :
Cœ fu otes de rome ke tant fu auenans
— 22 M en deu fu — 23 M E de florens — 24 M E icele, M si grans — 25 M Pus ke, M si pesans.