Cette page a été validée par deux contributeurs.
HUON
DE BORDEAUX
egnour, oiiés, ke Jhesus bien vous fache
Li glorieus ki nous fist à s’ymage !
Boine canchon estraite de lignaige,
De Charlemaine à l’aduré coraige,
Et de Huon, ki tant ot vaselaige,
Et d’Auberon, le petit roi sauvaige,
Que tout son tans conversa en boscage.
Chil Auberons, que tant ot segnoraige,
Sachiés k’il fu fieus Juliien Cesare,
Qui tint Hungrie, une tere sauvaige,
Et Osteriche et trestout l’iretaige.
Constantinoble tint il tot son éaige ;
.VII. lieues grans fist faire de muraige,
Qui encor durent desc’ à le mer salvaige.
Jules ot feme une dame moult sage,
Morge ot à nom, moult ot cler le visaige ;
Cele fu mere Auberon le sauvaige,
Huon de Bordeaux
1
