Comant dou parlamant fu fete l’assemblee
Et li sagramant feit de conquerre la stree
Que as boens peregrins stoit tolue et vehee.
Molt avoit grant mester ch’ele fust recovree :
Par tote gent estoit guerpie et oblïee ;
Mais por le bon Rollant fu forment chalonçee.
Feragu en recuet la primere soudee,
Quant se combatirent amdos terce jornee :
La cars au Saracins, que stoit fors et faee,
Ampués trenza li cons decique la coree.
Savez por quoi vos ai l’estorie començee ?
L’arcivesque Trepins, qi tant feri de spee,
En scrit mist de sa man m’istorie croniquee :
N’estoit bien entendue fors que da gient letree.
Une noit en dormand me vint en avisee
L’arcevesque meïme, cum la carte aprestee :
Comanda moi e dist, avant sa desevree,
Que por l’amor saint Jaqes fust l’estorie rimee,
Car ma arme en seroit sempres secorue et aidee.
Et par ce vos ai jé l’estorie comencee,
A ce qe ele soit e leüe e cantee.
- ↑ — 35 A prouie — 36 A feste lassemblie — 37 conquerere — 39 A recoure — 40 A oblie — 41 B fortment — 43 A iornie — 44 B forte — 45 B le cons deiusque — 46 quo ; A començe ; B listorie — 47 feri est une correction de B, qui a complètement effacé la leçon de A — 48 mist ajouté par B ; B cronichiee — 49 entedue ; B for — 50 A dormando me uient — 51 A carta ; B arciuesque, carte — 52 A Comanda a moi ; B a exponctué a et corrigé deseuree en deseuriee — 53 A lestorie noxe (= noncee) ; B listorie rimee — 54 A ma aneme en seroīt, aide ; B arme, sempre, aidie — 55 A ai lesrorie ; B ai ie listorie — 56 A ce qee ele ; B mieus entendue e çantee.