« Aprés direç », dit li roi Çarlemagne,
« As Heurupois, cele noble compagne,
« Ch’il nos soient aidant a ceste ovragne.
« Pitoi, Ançoi, Normant e de Bertagne
« Port la vitaile a mont et a la plagne :
« Chi meus labore, plu de garisons pragne.
« E l’autre jent aprés moi ci remagne,
« Tant che li terme de lor enchanje vaigne.
— Sir enperer », dit Name de Lemagne,
« Ne cro je pas che nul hom vos repragne.
— Voir », dit Hestous, « n’a duch si le ensagne. »
Li roi si rit, ses duc e ses chatagne.
Quant cist afaire oit devisé le rois,
Rolant apelle : « Bel niés, or me ferois
« Tot ce banir quant de ci partirois.
— Volenter, sire, ne vos en doterois. »
Le consil part, che ne fu pas secrois,
Anç fu crïeç e baniç demanois
Cil che devront demain trencer li bois ;
Ribaus, serjant, tavernier e borçois
Ferunt les foses, ja n’i avrunt repois.
Ne li fu gent che lor clamast sordois,
For solemant les montanier Tiois
Chi vunt par l’ost disant a dos e a trois :
« Cist roi entant de fraper nos le dois ?
« Chi nos comande, por feir de nos gabois,
