Ni a si buen escriven qel vos seüst escrir ;
Le meillor de une part ne vos sai bien gehir.
Hestorgant mult se peine de la presse esclarir
Tant q’el ala Grandonie un buen cheval ofrir ;
Toz maugré le cont Hue li veit li Turc salir.
Salamons veit ferir Landor de Montespir ;
Dou chief a feit li buz tantost amenoïr.
E danç Hue seisi le cheval de Montir ;
Qui pois o nun, li saute por sa vie garir,
Pués a dit a ses homes : « Or pur dou bien ferir,
« Car cil avra l’onor qi plus puet sostinir. »
La ou monta quens Hue ou bon destrer liart
Furent mainz abatuz Paiens et Acopard
E maint buen Cristïens, de jofne e de vellart.
Paiens en heüsent vers els le peior part
Quant Grandonie le roi por esconfiz se part ;
Le brant porte sanglant, ne sanble pais coart.
Malgeris encontra, qi estoit en regart,
Ysorez joste lui et Jonas le veilart,
A .vi.m Espanois a lances et a dart.
Quant il virent Grandonie, si trarent cele part,
E cil les recondut, cui le torner fu tart,
A la bataille pesme, irez come liopart,
Troi rois aveqe lui e Gondoer lo quart,
Que tient Groing e La Stelle, Bors d’Espagne e Sain Mart.
Sor la gient Salemons, cons Huon et Riçart
Esperonent a force cels Paiens de mal art.
Malçeris fu armé et seit desor Broart,
- ↑ — 8644 Laon — 8646 iofue — 8655 pessime — 8657 a saĩ mart.
— 8638 mõuespir — 8641 sante — 8642 opur