Deu reclama lo fil sainte Marie,
Lo glorios qu’il li tramete aïe
De la nobile jeste.
Auquaires broche, li fillex Aymeri,
Qui l’oriflanbe paumoia et brandi.
Mainte viële i oïssiez tentir,
De maint oisiax i oïssiez lo cri,
Chante la melle avueques lo mauviz,
Jais et calandres, chascuns en son latin.
Devant el chief fu li quens Aymeris
Et avuec lui si neveu et si fil.
Dame Hermanjart sus en la tor choisi,
Molt volentiers son conseil li deïst,
Mès por paiens ne li ose jeïr.
A l’amiral vienent .m. Sarrazin ;
Il l’en apelent, fierement li ont dit :
« Hé, amiral, vels noveles oïr ?
« Or pues tu dire bien t’est Mahom amis,
« Bien as Pilate et Tervagan servi.
« De Femenie pues l’estoire choisir.
« Dames i a jusqu’a .xiiii. mil,
« Et .xxx. mil de cortois Sarrazins.
« Bien deüssiez encontr’eles issir. »
Dist l’amiral il n’ira mie ainsi :
- ↑ LXXXVIII. — 2567 A B El premier chief l’o. b. — 2569 C De maint oisel, D tant o. — 2570 A B et chante li m., D la turtre et la malviz. — 2571 A B Et autre oisel. — 2572 A B El premier chief. — 2573 C si fil et si ami, D Ansemble o lui. — 2574 C Desor son chief choisi. — 2575 D gehist. — 2577 A B li Sarr. — 2578 A B Il l’apelerent. — 2579 C Amiral sire, D Droiz a. — 2580 A B bien est Mahon de ci, C puez vooir, D puez dire. — 2581 omis dans A B. — 2582 A B veïr. — 2585 A B Vous d. — 2586 D n’ira
— 2564 A B qu’il lui soit en aïe.
