Par mi la porte devant S. Simeon ;
Devant la vile avoit un pin roont
Qui fu plantez del tens ancienor.
Il prent un cor, sel sone par vigor ;
François s’en issent qui oient la rumor
Des lojes et des tentes.
Premiers s’en ist li bons rois Looys,
Hernauz et Bueves et Bernarz et Garins.
« Droiz emperere », li quens Guillaumes dist,
« Nos en irons la cité assaillir,
« Esclabarie qui est el pui antif ;
« Icil la tienent qui ne nos sont amis ;
« Ce ne sont pas Paien ne Sarrazin,
« Mès Sajetaire a qui ja Dex n’aït ;
« Des ars turquois tréent par tel aïr,
« Les granz quarriax entoschiez de venin.
« Qui a lor cox ne puet arme garir,
« Aubers, elme ne broigne. »
Aymeris fet soner .xxx. olifanz,
Bondir en fet Nerbone la plus grant,
La mestre tor et lo dur aymant.
Li quens Guillaumes porte lo roial brant,
- ↑ CXII. — C D riment en is. — 3349 C li forz. — 3354 C Cil qui la tient si n’est pas nostre amis, D Cil qui la tienent ne sont pas noz a. — 3355 C mie p., A B ajoutent : Mès Turs felons du regne d’Orquanie. — 3356 A B Et Sagitaire. — 3360 C ne vielle b., D Ne nule vielle b.
- ↑ CXIII. — C D riment en ant. — 3361 A B Aquaires, B .iii. o., C D un olifant. — 3362 C D la fort cité vaillant.
— 3343 A B Par la poterne, C Par la porte. — 3344-5 omis dans C D. — 3346 omis dans C.