Le texte de cette page a été corrigé et est conforme au fac-similé.
ROMAN DE LA ROSE
OU DE
GUILLAUME DE DOLE
____
il qui mist cest conte en romans,
Ou il a fet noter biaus chans
Por ramenbrance des chançons,
Veut que ses pris et ses renons
Voist en Raincïen en Champaigne,
Et que li biaus Miles l’apregne
De Nantuel, uns des preus del regne;
Car aussi com l’en met la graine
Es dras por avoir los et pris,
Einsi a il chans et sons mis
En cestui romans de la Rose,
Qui est une novele chose,
Et s’est des autres si divers
Et brodez par lieus de biaus vers,
Que vilains nel porroit savoir.
