Li rois se lieve as matines soner,
A sa chapele est maintenant alés ;
De nule rien n’est il en mal pensé.
Et li maus nains fu en son lit couchiés.
Et quant matines ot on dit et chanté,
Arrier s’en torne com ert acostumés. (*)
Et quant est Kalles ens en sa chambre entrés,
Devers son lit se prist à resgarder,
Voit sor la banque ices dras sus ester, (*)
Et quant les voit, moult s’en est merveillé.
Puis a véu el lit dou nain le chief :
Cil fu petis, mais l’ot gros et quarré.
Nostre emperere ne li a mot soné, (*)
Quant l’a véu, ains est tos trespensés. (*)
Grant duel en ot, par poi n’est esragiés.
Fors de la chambre, n’i a plus demoré,
S’en est issu en la sale el pavé ; (*)
Macaire i trove qui ja estoit levés,
Qui de cele oevre bien se pooit doter.
D’autres barons i furent plus de set.
Li rois les voit, si les vait apeler.
« Segnor, fait il, or avec moi venés,
« Si leverés mon duel et ma fierté
Page:Anonyme - Macaire, chanson de geste.djvu/221
Le texte de cette page a été corrigé et est conforme au fac-similé.
308—330
29
Macaire.
Coment li rois se lieve.
